Yogurtime (已結業)

第二次黎Yogurtime 食，今次带左一班朋友黎食。虽然由中环行上伊利近街唔算近，但因为就系扶手电梯附近，都算ok。入到铺头，店员系一个几得意既男仔，讲英文，仲同我d friend 讲笑。d店员都好nice我就最钟意Eurotart，我班朋友就差唔多只只味都叫左。今日有strawberry，oreo，chocolate 同埋vanilla。 呢度最好既就系佢肯俾你试，同埋试既份量都唔少。同埋佢好似成日会转款，可以有新鲜感。我地就叫左3个medium，我同另一个fd 就2个男仔share 一个family size。其实夹埋都好多。好在佢系low fat。 我地个family size 就要左mango, m&ms 同埋chocolate 做toppings。如果可以自由加toppings 会更好。30几蚊一杯系就系贵左d，不过间唔钟黎都okay。上黎伊利近街呢间铺就好在唔多人，个气氛好轻松，好舒服。不过如果入面多d位就好。我前几日见过上环维德都有一间分店，但系我钟意呢间铺个环境，好好多。系咁热既一日，有咁好味咁冻既yogurt 真系一流。仲有记住可以有stamps，食9次有得送一杯。