祥仔 (K11購物藝術館)

营业中

休息中

餐厅位置非常方便，光猛既环境，冷气极冻，愈坐愈冻，似想利用冷气催促食客快d食完快d埋单。祥仔脆猪扒饭，炸猪扒外层香脆内层肉嫩，蕃茄饭香口惹味。虾多士，食落唔油腻，多士香脆，一块多士一只全虾，连虾尾都系脆嘅。黑松露芝士薯条，味道合格，份量够。叫咗两杯嘢饮，"麦精加十胜红豆"另外系"黑牛"，两杯都好饮，不过侍应落单系黑牛，最后上咗白牛，好饮就冇所谓，照饮。餐枱上摆有餐具盒，不过两人座位有三只刀一把叉。侍应人手不足，反应慢，要问先会俾杯水。因为冷气太劲，食物好快就冻，感觉去咗海洋公园嘅冰天雪地世界睇企鹅咁，好赶客。结论： 食物质素唔错，环境干净，冷气太冻，冇服务