小火焰韓式咖啡廳 (觀點中心) (已結業)

丫女放假带咗我去观塘shopping, 假日四处都迫满人, 行得累想揾间餐厅坐低食下野都难, 突然丫女醒起APM行过少少有间韩国餐厅, 就行过去望下。餐厅设于商厦LOBBY, 面积不大, 但人流亦不少。Order咗一个主食同一个甜品食, 两款食过都唔错, 牛肉石锅饭: 石锅热辣辣滋滋声上台, 面层整齐布上丰富食材, 包括有一叠牛肉、芽菜、云耳丝、蛋丝、黄萝卜条、青瓜丝、生鸡蛋等…店员协助将所有配料捞起, 加入韩式辣酱, 牛肉肉质嫩, 但冇咩饭焦, 不过整体味道唔错, 层次丰富, 加入韩式辣酱, 辣辣地几惹味。松露曲奇脆脆3.6牛乳雪花冰:曲奇脆脆粒同埋曲奇粉盖住了雪花冰, 叠上软滑嘅cream+曲奇雪糕球, 伴有三块oreo cookies。雪花冰打得幼细绵密, 有淡淡牛乳味, 跟曲奇粉好夹, 夹集曲奇脆脆, 雪花冰入口即溶, 同时有d脆脆咬下冇咁寡, 值得推介。