影片
更多
2024-04-26
13499 浏览
榴梿季节又来啦，我朋友知道我好钟意食榴梿，特登带咗我食依间日式刺身放题店，事关佢推出咗个期间限定的马来西亚榴梿放题，唔使$300就可以任食多款鱼生和马拉榴梿、Häagen-Dazs雪糕甜品无限续杯，真心推介刺身拼盘（角螺刺身、希灵鱼、油甘鱼、挪威三文鱼、剑鱼腩、带子和阿根廷赤虾）我自己最钟意油甘鱼，剑鱼腩同阿根廷赤虾，剑鱼腩肉质肥美，油甘鱼鲜甜嫩滑，手掌咁大只的阿根廷赤虾，爆高嘅虾头爽滑嘅虾肉，令人欲罢不能😂榴梿要知道全世界最出名食榴梿嘅地方就系马来西亚，而佢地有种食法就系会将个榴梿烧烤，经过烧烤既榴梿味道会更香甜，口感更顺滑，两款我哋都有食，我自己比较钟意就咁食（即不烤）入口嫩滑细腻啖啖肉，口感奶滑肉质偏腍，当然比起你食D24就冇咁多肉，但系你而家去超市买榴梿都成旧水仲要得两粒仔，呢个价钱食到喱个质素的榴梿放题已经回哂本和风牛柳粒牛柳粒加入咗黑椒同酱汁去炒，肉质柔软嫩滑，好食！竹笙瑶柱蟹肉羹其实即系碗仔翅，味道偏淡，我帮大家试咗可以唔使嗌🥹蒲烧鳗鱼必点，鳗鱼入口Q弹，肥嫩嫩好好食蒜蓉烧生蚝蒜味香浓，蚝肉都几大粒，够爽甜，推介烧有机菠萝味道偏酸，正常野～海胆手卷必点，虽然海胆味偏淡，但
刺身拼盘（角螺刺身、希灵鱼、油甘鱼、挪威三文鱼、剑鱼腩、带子和
阿根廷赤虾）
我自己最钟意油甘鱼，剑鱼腩同阿根廷赤虾，剑鱼腩肉质肥美，油甘鱼鲜甜嫩滑，手掌咁大只的阿根廷赤虾，爆高嘅虾头爽滑嘅虾肉，令人欲罢不能😂
榴梿
要知道全世界最出名食榴梿嘅地方就系马来西亚，而佢地有种食法就系会将个榴梿烧烤，经过烧烤既榴梿味道会更香甜，口感更顺滑，两款我哋都有食，我自己比较钟意就咁食（即不烤）入口嫩滑细腻啖啖肉，口感奶滑肉质偏腍，当然比起你食D24就冇咁多肉，但系你而家去超市买榴梿都成旧水仲要得两粒仔，呢个价钱食到喱个质素的榴梿放题已经回哂本
和风牛柳粒
牛柳粒加入咗黑椒同酱汁去炒，肉质柔软嫩滑，好食！
竹笙瑶柱蟹肉羹
其实即系碗仔翅，味道偏淡，我帮大家试咗可以唔使嗌🥹
蒲烧鳗鱼
必点，鳗鱼入口Q弹，肥嫩嫩好好食
蒜蓉烧生蚝
蒜味香浓，蚝肉都几大粒，够爽甜，推介
烧有机菠萝
味道偏酸，正常野～
海胆手卷
必点，虽然海胆味偏淡，但系呢个价钱都食到海胆都真系相当抵食，而且佢一啲都唔腥，好食！
台式地瓜球
外层酥脆，入面系芋头蓉，几好！
猫山王榴梿炸弹
必点，炸榴梿皮薄馅靓，一啖入口榴梿溶晒口中，赞赞
雪花牛锅(2-3人份）
牛肉份量都好大份，汤底味道有少少似日式寿喜烧，带少少甜味同豉油香，肥牛肉味香浓，甜而不腻，好食
芝麻鸡翼
外皮炸到脆卜卜，好香口
吉列炸蚝
外层炸到金黄香脆，蚝肉肥美，蚝味十足！
盐烧牛舌
牛舌比较薄身，入口软嫩爽口，配啤酒一绝！
御品鲍汁烩花胶
鲍汁香浓，花胶好大块，口感弹滑嫩口，回本必点！
张贴
