影片
更多
2022-07-24
53 浏览
喺咁酷热嘅夏天喺深水埗街上游走的确好容易令到人觉得口渴，喺呢个时候到位于福荣街嘅Simply Tea（鲜茶）饮返杯消暑解渴嘅冰镇饮品使人格外畅快。为咗解渴，我哋点咗杯蝶豆花青柠梳打，而因为佢哋而家（2022年7月）特别做紧推广优惠，我哋花咗 $15就能够换取一杯迷你嘅水果四季春，特别适合陪 friend 饮嘢但自己唔系特别口渴嘅你 XD讲返杯嘢饮先，Simply Tea 嘅杯蝶豆花青柠梳打真系非常之特别。佢唔单止喺饮品入面加入咗新鲜嘅青柠提高饮品嘅鲜味，我必须要强调佢哋采用嘅蝶豆花精华真系非常非常之香！我喺其它地方所试过嘅绝大多数蝶豆花饮品都系纯粹利用蝶豆花嘅蓝色嚟令到杯嘢饮好睇啲，基本上饮落去嘅味道冇咩特别之处。但系呢杯蝶豆花青柠梳打唔单止卖相非常美观，而且饮落去嘅时候有阵阵蝶豆花嘅香味（原本都唔知蝶豆花系咩味，饮到呢阵香气觉得好特别，谂返起先意识到系㖞呢杯饮料系有蝶豆花架㖞），呢种香气同青柠嘅鲜味配撘得非常之恰当。除此之外，梳打嘅起泡唔单止令人有清新解渴嘅感觉，配合上啱啱睇到青柠同蝶豆花嘅香味更大大提高饮品味道嘅层次感，令人喺炎炎夏日嘅时候感觉非常舒服清新。由于系推广嘅优惠，呢杯迷
讲返杯嘢饮先，Simply Tea 嘅杯蝶豆花青柠梳打真系非常之特别。佢唔单止喺饮品入面加入咗新鲜嘅青柠提高饮品嘅鲜味，我必须要强调佢哋采用嘅蝶豆花精华真系非常非常之香！我喺其它地方所试过嘅绝大多数蝶豆花饮品都系纯粹利用蝶豆花嘅蓝色嚟令到杯嘢饮好睇啲，基本上饮落去嘅味道冇咩特别之处。但系呢杯蝶豆花青柠梳打唔单止卖相非常美观，而且饮落去嘅时候有阵阵蝶豆花嘅香味（原本都唔知蝶豆花系咩味，饮到呢阵香气觉得好特别，谂返起先意识到系㖞呢杯饮料系有蝶豆花架㖞），呢种香气同青柠嘅鲜味配撘得非常之恰当。除此之外，梳打嘅起泡唔单止令人有清新解渴嘅感觉，配合上啱啱睇到青柠同蝶豆花嘅香味更大大提高饮品味道嘅层次感，令人喺炎炎夏日嘅时候感觉非常舒服清新。
由于系推广嘅优惠，呢杯迷你水果四季春冇得俾我哋选择甜度同冰量。故此，迷你水果四季春嘅味道偏甜，所以未必适合唔太偏好饮较甜果茶嘅人士（不过优惠期内大家更可以选择以 $10 换购迷你珍珠奶茶，相信会切合更多人嘅口味）。值得一赞嘅系，呢杯水果四季春虽然比较迷你，但系却非常足料，又有橙又有苹果，果然冇忽略到一杯正常水果四季春嘅精髓，就系喺饮完茶之后撕开封盖享受鲜果嘅环节。
总体而言，Simply Tea 真系非常之推荐，我知道佢哋仲有古早味凤梨四季春同芒果乳酪沙冰等特色手摇饮品，相信都系非常之值得吸引嘅。于是，我哋俾出嘅评分如下：
卖相：5／5
味道：4／5（迷你水果四季春冇得甜度扣少少）
价钱：3／5
CP 值：4／5
整体推荐程度：4／5
*由于系手摇饮品店，服务、装修等不设评分。
迷你水果四季春
$15
3 浏览
0 赞好
0 留言
张贴
