鰹烏冬 (LT Tower) (已結業)

今日非常之热！35度高温，再去食啲热嘢真系顶唔顺。所以同事想食冷乌冬。由于我哋喺观塘做嘢嘅关系，知道骆驼漆分店一定等电梯等好耐，所以我哋就拣咗呢间近牛头角既分店。太阳囇到爆，好热，好彩去到餐厅唔使等位，就可以入座，我哋一行七个人。咁我就叫咗夏一乌冬配炸鸡乌冬应爽口弹牙，冷面汁有少少酸，可能系柚子味道，另外仲有啲紫菜芝麻碎，仲有乌冬都几好，因为一解热闷胃口，鸡其实系鸡扒剪成，都几好，因为炸粉算薄，脆口，鸡扒好嫩店员嘅服务态度都好好，因为我哋冇叫饮品，然后店员都主动帮我哋喺自助区攞水俾我哋。另外同事叫左咖哩乌冬，清汤鲣鱼乌冬配骨付鸡，鲭鱼，同事话都正常。附图俾大家。不过唯一觉得面配肉有啲贵，食一餐都$80-95，都唔会经常嚟食，相反可能丸龟制面比较相宜，大家可能考虑吓。