香港地 (已結業)

老婆指定要食汤饭～好彩呢间有得买咋！寻美仨鲜汤饭$78都几大碗㖞！份量两个人食都够！鱼汤底，不过似味精汤～食完好颈渴！有两块虾饼、几粒青口、两块鱼、仲有炸鱼皮、菇同蔬菜～都几丰富！汤饭仲有另外两款见到呢款咁得意又要试吓先！浓朱古力沙冰奶$38好大杯！朱古力味都几浓，上面铺左啲好似系啊华田粉，一路饮上面啲维他奶就会跌落嚟～都几好饮！仲有红豆同士多啤梨味！M5澳洲和牛炒河粉$62有点失望，冇镬气～牛肉同平时茶餐厅差唔多，唔觉得系澳洲和牛⋯啲河粉好碎，一夹就散晒！咖喱猪扒饭两大块猪扒炸得好香口，咖喱偏辣～跟餐嘅冻奶茶，茶味香浓够滑！呢度仲有粉面食～都几多选择！