影片
更多
2015-08-12
1855 浏览
突然间好想食煲仔饭，记得朋友刚刚旺角有间煲仔饭好正！于是就问吓朋友啦，点知佢都话唔记得间野嘅名，只知道系朗豪坊后面！于是乎就落去揾吓，好彩又俾我好快揾到！呢度嘅煲仔饭都唔平，最低消费都要＄70一煲！不过好彩有原煲老火汤同油菜送！除咗煲仔饭仲有其他小炒，选择好多！我哋三个人叫左2个煲仔饭，古法黄鳝煲仔饭同金银蒜粉丝扇贝煲仔饭，仲叫咗一个辣酒煮花螺。叫完冇几耐老火汤就到喇！今日嘅老火汤系甘荀南瓜煲西施骨！佢个汤嘅颜色就知道好足料啦，饮落去都好甘甜！而且份量都好大煲，一煲可以够两个人饮！之后辣酒煮花螺都嚟喇，一片血红嘅颜色，劲多辣椒！花螺都算好大只，而且都好新鲜，可能因为近奶路臣街嘅关系，海鲜都特别新鲜！花螺好鲜甜、爽口，不过略嫌未够入味，所以亦都唔算系好辣，如果可以再煮多一阵就更加好！食完个辣酒煮花螺，等左一阵间黄鳝煲仔饭就嚟啦！个煲一放低喺枱面就已经闻到好香嘅味道！可惜我唔食黄鳝，不过睇颜色就知一定好惹味！黄鳝都好肥美饱满！金银蒜粉丝扇贝煲仔饭一打开四大只扇贝，完全见唔到D饭！要攞开其中两只扇贝先可以见到D饭！扇贝唔使讲都知道好新鲜同肉厚，所以食落去都好鲜味！至于个饭因为有好多金银蒜嘅关
突然间好想食煲仔饭，记得朋友刚刚旺角有间煲仔饭好正！于是就问吓朋友啦，点知佢都话唔记得间野嘅名，只知道系朗豪坊后面！于是乎就落去揾吓，好彩又俾我好快揾到！
呢度嘅煲仔饭都唔平，最低消费都要＄70一煲！不过好彩有原煲老火汤同油菜送！除咗煲仔饭仲有其他小炒，选择好多！
我哋三个人叫左2个煲仔饭，古法黄鳝煲仔饭同金银蒜粉丝扇贝煲仔饭，仲叫咗一个辣酒煮花螺。
叫完冇几耐老火汤就到喇！今日嘅老火汤系甘荀南瓜煲西施骨！佢个汤嘅颜色就知道好足料啦，饮落去都好甘甜！而且份量都好大煲，一煲可以够两个人饮！
之后辣酒煮花螺都嚟喇，一片血红嘅颜色，劲多辣椒！花螺都算好大只，而且都好新鲜，可能因为近奶路臣街嘅关系，海鲜都特别新鲜！花螺好鲜甜、爽口，不过略嫌未够入味，所以亦都唔算系好辣，如果可以再煮多一阵就更加好！
食完个辣酒煮花螺，等左一阵间黄鳝煲仔饭就嚟啦！个煲一放低喺枱面就已经闻到好香嘅味道！可惜我唔食黄鳝，不过睇颜色就知一定好惹味！黄鳝都好肥美饱满！
金银蒜粉丝扇贝煲仔饭一打开四大只扇贝，完全见唔到D饭！要攞开其中两只扇贝先可以见到D饭！扇贝唔使讲都知道好新鲜同肉厚，所以食落去都好鲜味！至于个饭因为有好多金银蒜嘅关系，食落去啖啖都有蒜香嘅味道，真系超正！
不过油菜嘅份量就争少少啦！侍应话呢啲已经系两个煲仔饭嘅份量，但系就只系得几条！而且我觉得放得太多油喇！虽然好靓，但食落去成口都系油！
至于食煲仔饭最重要梗系最尾个饭蕉啦！如果食煲仔饭冇饭焦的话，都唔系食煲仔饭！呢度嘅煲仔饭成个煲不论煲边定系煲底都有一层饭焦，可惜我唔记得影相，呢张相系我加左汤个饭焦后，捞匀之后影嘅，可以见到都有唔少饭焦！有啲人会钟意就咁食个饭焦，但亦都可以选择加汤落去食！我觉得加左堂之后嘅饭焦半脆口半烟韧咁嘅感觉仲更加好食！总括嚟呢度嘅煲仔饭同埋老火汤都唔错！
张贴
