痴心小麵 (已結業)

夏日炎炎，但系又想食啲辣嘢去出吓汗，其实就当然系我真系好like食辣！行经此餐厅门口，见装修唔错又几干净，咁就入去食喇！店舖好光亮，座位格局亦都好整齐，餐厅够干净，冷气都开得大，好凉爽~餐牌有好多嘅嘢食，仲有一人一锅添，不过今次叫咗其他，下次先试下呢个重庆麻辣鸡煲真系好辣，但系辣得好惹味过瘾，个半只鸡好嫩好滑，都无我最讨厌嘅雪藏味，正！海蜇有好多芝麻洒咗响面，令啲海蜇更加香口，而且佢嘅份量都好多，口感冰凉透心~~我仲叫左碗痴心小面，有肉酱同花生碎等，仲有少少汁响底，啲面爽弹之余有少少辣，都几开胃，几好食~杯罗宾(利宾纳+菠萝雪糕)冻冰冰，仲有雪糕响上面，可以顺便当食埋甜品。朋友叫既金牛入面有柚子蜜同云呢拿雪糕，呢个配搭好清新，甜得嚟唔会觉得腻。