豐鍋雞煲 (京瑞廣場1期)

营业中

休息中

作为一个称职嘅「鸡煲爱好者」真系就算咩嘅情况都阻止唔到食鸡煲嘅心。就响呢个好热好热嘅夏日热辣辣中午时份，我去咗呢间好多「沙田友」都试过嘅「丰锅鸡煲住家小厨」。餐厅位于石门站隔离嘅京瑞商场，出闸之后转眼就到，都几方便架。午市时间，见到餐厅都有唔少捧场客，我哋坐好之后就叫咗个「丰锅招牌麻辣鸡煲」先，半只鸡、BB辣嘅辣度。然后再嗌其他配料，点知餐厅都好快手，稍为等一等之后，鸡煲已经准备上枱喇！惹味呢两个字已经唔够形容佢嘅味道，难得嘅系半只鸡嚟讲都唔算细只。鸡肉滑溜之余、酱汁亦调味得恰到好处，唔知遮住咗鸡嘅肉味。讲番啲配料，一定要拣牛肉先，「顶级雪花肥牛」，要个大份嘅先够尽兴。上到枱面卖相唔错，食落都好嫩滑。「特级牛柳粒」都叫咗一份，卖相唔会输俾头先果碟肥牛，食落嚼头十足，肉味香浓。食鸡煲唔可以漏咗猪皮，因为我最钟意嘅食法系趁佢啲酱汁仲好浓嘅时候，千祈唔好加汤，要加啲猪皮去吸收锅入面嘅精华。炸枝竹都可以有类似嘅效果，最后加汤，食埋唐生菜就圆满嘞。