老鍋台式火鍋 (京都廣場) (已結業)

今日天气火辣火辣同朋友去挑战极限打边炉🔥去咗铜锣湾地铁站附近有间台式火锅，呢间老锅不嬲都好评如潮，但系我从来都未试过，所以今日午餐衬人少少就试吓。一入到去发现座位都好阔落，而且原来有天灯玩。叫咗个二人餐，肉拣咗肥牛、有一个丸饺拼盘、有一个蔬菜盘同埋米线，如果要酱汁自己可以出去攞🍀🍲汤底拣咗最traditional嘅养生锅，入面有超多料，有我最钟意食嘅蜂巢豆腐、冬菇同埋都有颇多人参，所以食落去个汤底本身已经好有味。🥩雪花肥牛肉嘅份量都几多，每一卷都有两块，本身谂住再嗌啲肉，但系食完已经够饱。🥟丸饺拼盘有贡丸、墨鱼丸、蛋饺、鱼皮饺，样样都几好食。🥬蔬菜盘都几多蔬菜，我最钟意食菜。🍜米线都几大碗，不过如果要渌熟佢嘅话就一定要用兜装，如果唔系好易会散。结论系其实夏天开大冷气打边炉都几爽🤣同埋呢个set只系$299，我自己觉得性价比都高。