全記海鮮菜館

营业中

休息中

难得一大班亲戚聚在一起，最好嘅活动当然系去饮个茶食番笼点心。每逢周末，西贡都会系人山人海，沿住码头条路嘅酒家，间间都有好多食客呀！甘难得系全记揾到位，夏天坐户外又有咩怕呙！头顶有个大风扇吹住，又有太阳伞遮蔽，热度都可以接受到！大家已经好肚饿，攞住点心字失左控甘系甘划，啲点心好快就已经嚟到，放到冇位放。整体点心嘅味道质素唔错，点心选择非常多，任君选择。特别大赞流心奶黄包，流心嘅效果做得好好，每枱食客嘅必点之选，唔怪得之系限量供应。 另外啲炸嘅点心都做得唔错，件件香脆可口，亦都冇炸得过火，冇任何油溢味。仲有，超大版嘅笼仔蒸饭，有多种类，一嚟到就已经香喷喷，好好味。另外，要赞一赞，有位职员婶婶做事爽快，亦都好温馨提醒我地叫嘅份量过多，会食唔晒，要唔要考虑放弃某啲。