尚鮮海鮮料理 (已結業)

同友人系铜锣湾 shopping 完后，决定黎尚鲜试试。我几满意店内装修，灯光偏暗，环境比较清静，有种可以同朋友黎倾计一边慢慢享受火锅既感觉，同出面既火锅店快快食完就走既感觉好唔同。入座后我哋就叫左一个二人精选套餐，一杯洛神花蜜，一杯青柠蜜梳打，两杯都酸酸甜甜，几醒胃。汤底就选择左皮蛋芫茜汤底。出面火锅店既汤底对我来说从来只系得个名，放食物落去煮完都好难食到汤既味道。而呢到个汤用料好足，好浓味! 然后就上手切牛肉啦，脂肪分布平均，又切得较厚，所以口感一流! 鲜打牛丸及猪肉丸、木耳鲜虾云吞拼西洋菜香菇饺每款四粒，分量刚刚好，抵赞既系呢间店自家制作。食落口的确感受到个分别。之后就上脆鲩片同蚝，鲩片爽脆，蚝 size 亦够大啖啖肉。最后就来个田园盛。食完肉后食返 d 蔬菜，无咁油腻，我几满意送餐既次序!本来头先想追加牛肉的，但食完整个餐觉得分量刚刚好，食物质素比同类餐厅高，整体装修、食物我都好满意。下次想食火锅睇黎呢间系首选了。