長洲冰室

营业中

休息中

夏天黎到长州都真系几晒几热，所以我地都采取行下食下的策略。而我地本身系想Target 一D Cafe，虽然系闲日，但都有唔少人系度排队。我地系唔想等的原则之下，决定转移其他小店。行下行下，我地最后就拣左长州冰室，主要原因环境都唔错，地方相对上较大会多D位，而最重要就系有剉冰食! 由于我地系芒果控，所以最后就拣左芒果三色圆冰。一上枱份量比相中细，不过都有好多材料，除左剉冰外，仲包括唔少的芋圆、新鲜芒果同埋芒果雪糕。首先要赞的系呢度加左大量芒果汁，又个芒果汁唔算好人工好假的味道，基本上啖啖剉冰都吸晒芒果汁。之后新鲜芒果份量都唔少，而且全部都系甜。有时候食甜品，最惊就系生果唔够甜，令到个人成个mood都无晒。而芒果雪糕同芋圆就正常发挥，整体而言都好满意呢个剉冰。P.S. 呢度要提提大家，如果要堂食的话，每人都要叫一样甜品或饮品，就算我地叫左芒果三色圆冰，价钱其实可以食到两个甜品，我地两个人都系要叫两款，最后就拣左最平的椰皇水，问左店员话系用新鲜椰皇，都几鲜甜，$30黎讲都算合理。