牛布拉日式牛肉麵 (已結業)

Happy friday，4人相约到某餐厅，但因当日太晏去到单已截只好下次，即时系商场内揾另一间，呢个场都有不少食肆，大家又冇乜心水想食咩，见水牌有间油拌面，日本过江龙牛布拉（ローストビーフ油そば ビースト）油拌拉面，平时食拉面多数都系汤拉面或沾面，油拌面就未食过，而加夏日炎炎，食拌面都系个好选择，几吸引一于试下了。 装潢以木系为主。 拌面的酱料。 餐牌，有拌面品尝方法，肉的份量可以拣，当然越贵越多，见到个牛布拉盖饭，重量级牛肉又成坐山咁，好吸引，但怕食唔晒同想试下拌面先，留返下次食。 忌廉芥末布拉拌面，$88，肉量约70g，丰富的忌廉芥末芝士酱汁﹐味道浓郁惹味，有点似卡邦尼嘅味，芥末味唔算太强烈，口感creamy，不过会越食越漏，有点腻，拉面口感爽滑弹牙，慢煮美国牛肩胛肉，份量适中，牛肉薄片口感嫩滑牛肉味浓，都不俗呢。味道正常水准当试下。