夏雪 (已結業)

有个好朋友系教院住hall, 每次出嚟见面都多数系拣大围或者沙田，一黎食野选择多，二黎对我地两个黎讲都唔算远。今日我哋两个食完之后，心血来潮想食甜品，醒起之前有朋友介绍呢度有间专食窝夫嘅甜品店，一于过黎试下。喺大围火车站行过嚟，只系需要5分钟左右，非常方便。门面装饰吸引，店舖细细，有少少文青嘅感觉，十分休闲、舒适呢度窝夫种类有好多，最经典嘅系朱古力味，又有呢排好兴嘅紫薯味、芝麻味、伯爵茶味等等，如果多啲朋友一齐黎就好了，咁就可以一口气试晒咁多种味我哋拣咗个竹炭芝麻窝夫同埋魔鬼窝夫，即叫即做，所以要等耐少少，但正所谓慢工出细货，上枱嘅时候，真系非常吸晴，同Menu入面嘅相一样，没有半点偏差，都系咁精致第一样嘅系呢个竹炭黑芝麻窝夫，配有黑芝麻酱、椰子雪糕，芝麻香浓得来一啲都唔苦，甜度适中，加埋椰子雪糕一齐食，估唔到咁夹啊，$68性价比超高，一定要试啊而重头戏系魔鬼窝夫，因为除咗雪糕、窝夫之外，佢仲有个心太软，超级邪恶啊，不过难得见好朋友，一次半次唔理啦，豁出去先至够开心，朱古力雪糕食得出系靓野，朱古力味浓郁，有可可味，唔系得个甜字，而心太软，流心是必须的，果然冇令我失望，$108，绝对食得