影片
更多
2017-10-21
777 浏览
见今日Happy Friday，想同胖侣食餐好既，就卜咗帝景酒店入面既帝景轩撑吓枱脚，好多人都以为帝景酒店好隔涉，不过原来佢地荃湾站𠮶架shuttle喺放工时间密到成十至十五分钟一班，而车程亦都只不系六七分钟，六七分钟，同行去荃新天地食饭都系咁上下时间，荃湾站个上车位喺B3出口，即系车厂𠮶边，同去丽城豪景等既shuttle同一列。帝景轩以前净系得buffet食，中菜有咗唔系好耐，朋友食过之后极力推介，一直都好想亲身嚟试下，今日系机会喇。被安排咗坐喺pool side既坐位，望住个泳池食饭感觉良好，可惜美食太多，快门太少，挂住食无影到相。头盘系秋葵牛肝菌小耳朵，呢个组合都几新鲜，未试过将秋葵牛肝菌同埋猫耳朵夹埋嚟一齐食，呢三样食材都够哂健康，秋葵有降血脂防肠癌既功效；牛肝菌清热补虚，增强免疫力，有防治感冒的作用；猫耳朵就有丰富既铁质，可补血气，有通便，降血压之效；厨师以少少凉拌醋汁调味，作为一个头盘，非常之刺激食欲。香芒水晶虎虾球，呢个系期间限定，逢星期一至五食够300蚊，再加10蚊就可以享用；将新鲜嘅虎虾去壳，蘸上一层薄薄嘅脆浆，大火炸起，虾球嘅外层奇脆无比，难得淋上咗酱汁之后，个脆度
见今日Happy Friday，想同胖侣食餐好既，就卜咗帝景酒店入面既帝景轩撑吓枱脚，好多人都以为帝景酒店好隔涉，不过原来佢地荃湾站𠮶架shuttle喺放工时间密到成十至十五分钟一班，而车程亦都只不系六七分钟，六七分钟，同行去荃新天地食饭都系咁上下时间，荃湾站个上车位喺B3出口，即系车厂𠮶边，同去丽城豪景等既shuttle同一列。
帝景轩以前净系得buffet食，中菜有咗唔系好耐，朋友食过之后极力推介，一直都好想亲身嚟试下，今日系机会喇。
被安排咗坐喺pool side既坐位，望住个泳池食饭感觉良好，可惜美食太多，快门太少，挂住食无影到相。
头盘系秋葵牛肝菌小耳朵，呢个组合都几新鲜，未试过将秋葵牛肝菌同埋猫耳朵夹埋嚟一齐食，呢三样食材都够哂健康，秋葵有降血脂防肠癌既功效；牛肝菌清热补虚，增强免疫力，有防治感冒的作用；猫耳朵就有丰富既铁质，可补血气，有通便，降血压之效；厨师以少少凉拌醋汁调味，作为一个头盘，非常之刺激食欲。
香芒水晶虎虾球，呢个系期间限定，逢星期一至五食够300蚊，再加10蚊就可以享用；将新鲜嘅虎虾去壳，蘸上一层薄薄嘅脆浆，大火炸起，虾球嘅外层奇脆无比，难得淋上咗酱汁之后，个脆度都没有减退；酱汁系由香芒秘制而成，酸酸甜甜，刚好中和咗油炸后嘅腻感，妙绝。
宫廷花雕酱烤骨，骤眼睇以为个酱烤骨好似五花腩咁肥，令成世嗌减肥既胖侣如临大敌，切开之后发现原来并无想像之中咁肥，胖侣先至安心食用；烤骨被炆得好腍好入味，上枱既时候喺个盅入面滋滋作响，惹人垂涎；由于被个盅全天候包围，食到最后一旧烤骨都仲系暖既，呢一个点好窝心；酱汁十分惹味，加埋底下同样炆得好腍既洋葱，我忍唔住食咗两碗白饭。
豆浆山药泡泉竹，呢一味𩠌既材料有山药，腐竹，翡翠苗，虫草花，百合同埋莲子；山药补肾健脾润肺，口感同淮山分别不大；豆浆个豆味同腐竹既味道出奇咁配；全部食材都新鲜有益，实属健康之选。
龙虾汤虾球带子泡脆米，仲记得第一次食脆米泡饭系喺西环码头，𠮶时见啲脆米浸咗喺泡饭入面好耐都不减佢既脆度觉得惊为天人，近期发现佢经已停业，心谂又少咗一个食脆米泡饭既好地方；不过试过帝景轩呢个龙虾汤虾球带子泡脆米之后即刻人生满希望，呢个泡饭既汤头龙虾味浓郁，好以攞咗个西汤嚟泡饭咁，有少少fusion既感觉，同新鲜爽口既虾球与及脆米配合得天衣无缝，相信我好快又会挂住佢。
饭后去咗酒店隔离个沙滩同胖侣浪漫一番，个沙滩叫做丽都湾，能够饱览汀九以及青马大桥既美景，喺桥上既灯光衬托之下，夜景更加醉人，系此行除美食以外既一个重大得着，下次早少少嚟，食埋个日落景先得。
张贴
