影片
更多
2014-09-25
832 浏览
今日又系超想食甜品，下昼拉埋有同样嗜好既男朋友一齐揾好野食，身在湾仔都唔使惊冇甜品食，想试Oddies / 寻日饮食男女见到既churros twist , 先去Oddies , 原来得雪糕，所以拣左churros twist .一早睇左地址，唔难揾，英皇后面街（喜万年酒楼对面）间铺算大（相比市面上既雪糕店）光猛舒服，前面系收银，同topping位，雪糕乳酪机，后面系厨房。落单亦有图解说，简单易明既123步，今日特别味道系焦糖，但系冇写明系雪糕定乳酪，所以比较钟意食乳酪既男朋友中左计😂虽然无问店员，不过乳酪机得一个出口应该得原味一种，雪糕机仲有云尼拿味，睇饮食男女话可以2沟，店员冇讲，我谂一般路人亦唔会知，间铺冇其他客都冇招呼，我地入去咁耐都冇问过我地使唔使帮手就自己2个倾闲计😅呢样改改佢啦。我叫左乳酪+3条churros（$38/杯）+朱古力酱+另加1款mochi配料（另加$6/款）；男朋友叫左焦糖雪糕+3条churros+焦糖酱+另加1款杏仁配料（$44）。Churros 系即叫即炸，呢个好抵赞，连K11 holly brown既waffle都系雪藏野，但呢间小店系即刻炸比你，呢下
一早睇左地址，唔难揾，英皇后面街（喜万年酒楼对面）间铺算大（相比市面上既雪糕店）光猛舒服，前面系收银，同topping位，雪糕乳酪机，后面系厨房。
落单亦有图解说，简单易明既123步，今日特别味道系焦糖，但系冇写明系雪糕定乳酪，所以比较钟意食乳酪既男朋友中左计😂虽然无问店员，不过乳酪机得一个出口应该得原味一种，雪糕机仲有云尼拿味，睇饮食男女话可以2沟，店员冇讲，我谂一般路人亦唔会知，间铺冇其他客都冇招呼，我地入去咁耐都冇问过我地使唔使帮手就自己2个倾闲计😅呢样改改佢啦。
我叫左乳酪+3条churros（$38/杯）+朱古力酱+另加1款mochi配料（另加$6/款）；男朋友叫左焦糖雪糕+3条churros+焦糖酱+另加1款杏仁配料（$44）。
Churros 系即叫即炸，呢个好抵赞，连K11 holly brown既waffle都系雪藏野，但呢间小店系即刻炸比你，呢下好感动，churros放入乳酪唔会过热整溶乳酪/雪糕，入口脆脆热住加乳酪一齐食好正，churros唔会过甜，乳酪酸酸地好正（题外话：佢地声称98% fat free, 做健身教练既男朋友话low fat唔代表冇糖，食左都系肥，我即刻想打佢，哈哈，食得预左啦，扫兴😅，讲完）但我试食男友果杯焦糖，觉得好味d(隔离饭香），焦糖味好重，香味十足又滑，但男友又钟意我果杯多d,所以可以下次再调转试😂仲有我另加既配料糯米糍，食过咁多间呢间果d好似好味d,愈咬d糯米味愈香😋而家谂起都仲想食😂
最后我有疑问，间铺前面咁大个位，就算唔整枱椅，都可以整块板比想企响道食既客人用挂？我同男朋友企响道拎住唔知点好😅个人意见，整体都好好食。
张贴
