影片
更多
2018-03-22
126 浏览
餐厅喺尖沙咀赫德道，门口上楼梯就到，地方都几大，干净企理。食物种类都唔少，有小食、汤羹、海鲜、小菜、素食、炒粉面饭、煲仔饭、煲仔菜等等。不过我地只得两个人，食唔到咁多种类。【椰皇佛跳墙(位) $78】用椰壳装嘅汤，材料有凤爪、瘦肉、鲍鱼仔同花胶。椰壳入面冇椰肉，不过啖啖汤都有椰香味，个汤都炖得几清唔油腻，健康美味。【金砖炸豆腐 $38】炸到金黄色嘅豆腐四四方方好工整，真系似一旧旧金砖。一夹起就feel到件豆腐好软身。豆腐系啱啱炸气所以热辣辣，口感极软滑，面头嘅椒盐咸度适中，豆腐亦不失豆香，非常不错。【陈皮话梅骨 $98】都好大碟吓，多肉多汁。陈皮话梅汁甜中带啲微酸，都几开胃可口，肉质算软腍，食到唔停口。【红酒牛尾煲 $168】呢煲真系大煲，牛尾有十几件，软腍且肉味浓郁。红酒汁加咗青椒同洋葱，啲青椒味抢咗红酒汁本身嘅味道，我个人就觉得唔落青椒仲好。煎米粉都算香脆，蘸咗红酒汁几好食。整体嚟讲食物水准都唔错，而且份量几足，如果每人叫碗饭三个人都够食。食客之中仲有外国人，可能系因为见到系老字号(since 1936)而嚟帮衬，试吓地道菜。见佢哋食到津津有味又影相留念，应该都相当满意吧。
食物种类都唔少，有小食、汤羹、海鲜、小菜、素食、炒粉面饭、煲仔饭、煲仔菜等等。不过我地只得两个人，食唔到咁多种类。
【椰皇佛跳墙(位) $78】用椰壳装嘅汤，材料有凤爪、瘦肉、鲍鱼仔同花胶。椰壳入面冇椰肉，不过啖啖汤都有椰香味，个汤都炖得几清唔油腻，健康美味。
【金砖炸豆腐 $38】炸到金黄色嘅豆腐四四方方好工整，真系似一旧旧金砖。
一夹起就feel到件豆腐好软身。豆腐系啱啱炸气所以热辣辣，口感极软滑，面头嘅椒盐咸度适中，豆腐亦不失豆香，非常不错。
【陈皮话梅骨 $98】都好大碟吓，多肉多汁。陈皮话梅汁甜中带啲微酸，都几开胃可口，肉质算软腍，食到唔停口。
【红酒牛尾煲 $168】呢煲真系大煲，牛尾有十几件，软腍且肉味浓郁。红酒汁加咗青椒同洋葱，啲青椒味抢咗红酒汁本身嘅味道，我个人就觉得唔落青椒仲好。煎米粉都算香脆，蘸咗红酒汁几好食。
整体嚟讲食物水准都唔错，而且份量几足，如果每人叫碗饭三个人都够食。食客之中仲有外国人，可能系因为见到系老字号(since 1936)而嚟帮衬，试吓地道菜。
见佢哋食到津津有味又影相留念，应该都相当满意吧。
张贴
