八木橋日式燒肉

营业中

休息中

喺新加坡识嘅朋友，嚟香港揾我玩，问我有咩好食，我毫不犹豫咁推荐佢去旺角八木桥食日式烧肉。虽然我食咗几次，但系仲系想推荐俾大家。我哋拣咗雨餐$1108。雨餐几乎所有嘢都系任食，日本A4和牛任食，鲍鱼任烧任食，Haagen Dazs 任食，真系超值，系怕你个肚食唔晒啫。当然最顶级嘅仲系A5和牛西冷，顶级牛肉嘅佼佼者，我觉得应该冇人会唔钟意食。因为西冷系牛肉中最顶级嘅部位，口感紧致顺滑，清爽而唔油腻，朋友第一次食都赞不绝口。其他嘅A4和牛肉都唔输蚀，例如A4黑毛和牛薄切，厚度啱啱好，唔需要烧好耐就可以享用。A4黑毛和牛和尚头，脂肪较少，适合想控制脂肪摄取量嘅朋友食用。仲有A4黑毛和牛三角腩，清晰嘅油花同满满嘅肉汁，睇起嚟就好好食，食起嚟仲好食。我哋仲叫咗海鲜拼盘，盘里面嘅海鲜应有尽有，包罗万象，睇到我眼花撩乱，每样都非常新鲜，鲜甜可口，仲带有一股清新嘅海水味，好适合钟意食海鲜嘅朋友。我哋仲食咗香草墨鱼仔，味道都好鲜美，营养又丰富，每一啖都充满咗幸福嘅感觉。连我新加坡朋友都食到赞不绝口嘅烧烤，大家绝对唔好错过。