京.花朝 (已結業)

好开心朋友从英国返嚟特登揾我食饭，你仲拣咗一间中式餐厅，菜式都系我喜欢食嘅北京菜。我们好早嚟到呢度，一个人都冇以为包左场，然后睇翻时间，原来而家先系6:00 ，七点嘅时候呢度已经爆晒棚。我们点左好多唔同嘅小食，而且有优惠，好似食满500就有九折定八折嘅优惠。我哋两个食咗咁多野其实好饱，都好抵食。呢间餐厅嘅服务员都系啲姐姐，佢哋的服务态度都唔错。最后我哋喺度坐左差唔多三个钟，因为环境好舒服其实可以不断加茶，一边饮茶一边倾计，倾倾吓就倾左三个钟。下次可以一家人嚟呢度食饭，我见到个北京烤鸭超想食，但系得两个人食唔到，下次可以叫埋屋企人一齐食。