Fish & Chick (高街) (已結業)

细细个去伦敦旅行阿妈净系带我食炸鱼薯条，我就断章取义式咁理解咗做「伦敦净系得炸鱼薯条，无啖好食」。大个发现英国菜其实有好多选择，但炸鱼薯条依种经典配搭耐唔耐就想食翻次。•依间小店系坚尼地城有分店，系正海旁，前面无遮无挡，可以望住大海吹住海风，食薯条饮啤酒。高街依间分店虽然无海景都无靓景，但餐点质素依然有水准，仲做紧外卖自取买一送一优惠，有需要嘅朋友记得bookmark咗先～•❝炸鲜蘑菇沙律❞炸皮酥脆，蘑菇依然保持多汁，而且内有香料，风味再提升。沙律酱汁偏酸而且比例多，唔会食到最后个几块沙律菜要干啃，沙律菜用料亦新鲜。❝纽西兰蓝鳕鱼❞餐点份量超～级大！炸鱼系行皮肉分离路线，炸皮略嫌过份油腻，但厚薄适中亦够脆口。纽西兰独有嘅蓝鳕鱼口感非常厚实，厨师调味算轻手，鱼肉本身嘅鱼鲜味算正常发挥。厚切薯条口感偏粉，薯条够入味而且面头亦有粗盐。❝热情果柠檬特饮❞ (+$20)热情果味突出，柠檬味就无乜，而且有些少过甜，对于钟情于酸味饮品嘅人类黎讲未必系心目中个回事。不过用一杯清爽饮品配搭炸物享用都系必须要嘅。❁ 用餐提示餐店以蓝色﹑黄色为主调，即使系高街依条餐店宏立嘅街道上面亦非常亮眼。内里有招牌霓虹