哈迪斯 (已結業)

寻晚原本打算同openrice食家们去得龙食盘菜﹐点知临时要去湾仔做野做到9点先走得﹐盘菜就唔使谂喇。谂住去食虾面店﹐居然收左铺。又想行过D食咖喱猪扒﹐去到已经拖紧地﹐清洁紧。有无搞错﹐湾仔区﹐9点几就收铺...?心灰意冷﹐又倦﹐唔想再花精神去谂食乜﹐结果经过哈迪斯﹐谂起呢间连锁店﹐执下又一间﹐执下又一间﹐怕迟早无得食﹐于是入去医肚。"唔该两件炸鸡要上脾﹐一杯.....""上脾卖晒。""o甘....要鸡翼啦。""鸡翼未炸好要等""o甘....要鸡锤啦""鸡锤都要等""o甘....要个三藩市芝堡。""三藩市芝堡要等5分钟""ha...? 有咩系唔使等﹖我好肚饿""炸薯条啦""好好好﹐o甘要一个三藩市芝堡餐﹐食住薯条先。"结果﹐食住一d唔需要等﹐但已经冻左兼变软的炸薯条﹐饮住杯冰冻可乐黎等个三藩市芝堡。食左一半﹐真系顶唔顺﹐原来冻左软左的薯条系如此难以入口﹐我真系而家先知。等多几分钟﹐收银员亲自送个包黎我面前﹐都算有返少少温暖。一啖咬落去﹐咦!? 又系唔热既? 只系个包比较热﹐里面块汉堡肉系少少冻的﹐连芝士都唔溶﹐原来等左5分钟只系等到一个外热内冷的汉堡包...原本想拎个包返去收银处投诉﹐