伊賀日本燒肉料理 (已結業)

外甥女考完试，都知佢辛苦咗好耐，就带佢去食烧肉放题，等佢开心下。来到尖沙咀一间烧肉店，环境唔错，座位宽敞，最欣赏系抽气系统够力，又够静，食起烧肉时，都唔会大油烟，亦唔嘈。外甥女一啲都唔客气，吩咐我拎起部 Tab 帮佢点嘢食。先食些熟食:-火灸三文鱼寿司、八爪鱼和唐扬炸鸡，味道唔错啊!再来就系烧肉拼盘、五花肉、一口牛、里肌肉、渍壶牛、牛肋肉。好新鲜、细细件。烧起上嚟好快熟，好快有得食。一口牛，超好食。青口和大虾，啖啖肉。呢度连墨鱼咀、八爪鱼须都有，当然要叫嚟食啦。烧啲南瓜、冬菇、生菜来食，僻下肉味，无咁漏。挂住食烧肉，差点忘记食带子刺身，拿临补飞，食番先。其实，食咩都无所谓，只要外甥女开心，我就开心。