影片
更多
2023-05-07
106 浏览
之前碌韩妹IG，成日见到佢哋食一种入面满满芝士，拉到好长丝嘅芝士热狗棒，作为一个芝士星人见到已经流晒口水。原来喺旺角都有一间卖韩式热狗棒店「阿里郎热狗棒」😆 嚟到见到店舖设计好有个性，潮+型+可爱集一身，以黄色为主题嘅门面好Sharp醒✨热狗棒即叫即炸，等待期间陆续客人变多，感觉女仔都好钟意呢啲又靓又好食嘅韩式食物，可以打卡嘛😆 热狗棒有多款味道选择，外皮创意十足，口味好特别～另外酱料嘅选择都有好多，可以自己自由配搭，如果外卖返屋企仲会畀包装嘅韩式酱汁添，好贴心🥰1. 双重芝士拉丝叫呢个要有被芝士淹没嘅心理准备😂外面包裹住面糊制成嘅面包，一咬开系满满嘅芝士🧀香气填满整个口腔，可谓芝士浓度Max！(如果即场食记得小心入面嘅芝士会辣亲咀) 满满嘅芝士彷佛迫不及待要爆出嚟咁，一下子就将你融化咁😂2. OREO系我最钟意嘅一款。Oreo 外皮黑黑的就已经好吸晴了，皮系脆中带点松软，之后系香甜嘅芝士奶香，喺黑色热狗棒中拉出黄色芝士丝好疗愈，非常满足👏3. 薯条鸳鸯芝肠终于体会到咩叫食物与图片一致啦✨ 外面包满金黄色嘅薯条粒粒，所以比起一般热狗棒粗身，薯香十足+酥酥脆脆，好惹味✔️ 肠仔都食得出好有
之前碌韩妹IG，成日见到佢哋食一种入面满满芝士，拉到好长丝嘅芝士热狗棒，作为一个芝士星人见到已经流晒口水。原来喺旺角都有一间卖韩式热狗棒店「阿里郎热狗棒」😆 嚟到见到店舖设计好有个性，潮+型+可爱集一身，以黄色为主题嘅门面好Sharp醒✨热狗棒即叫即炸，等待期间陆续客人变多，感觉女仔都好钟意呢啲又靓又好食嘅韩式食物，可以打卡嘛😆 热狗棒有多款味道选择，外皮创意十足，口味好特别～另外酱料嘅选择都有好多，可以自己自由配搭，如果外卖返屋企仲会畀包装嘅韩式酱汁添，好贴心🥰
1. 双重芝士拉丝
叫呢个要有被芝士淹没嘅心理准备😂外面包裹住面糊制成嘅面包，一咬开系满满嘅芝士🧀香气填满整个口腔，可谓芝士浓度Max！(如果即场食记得小心入面嘅芝士会辣亲咀) 满满嘅芝士彷佛迫不及待要爆出嚟咁，一下子就将你融化咁😂
2. OREO
系我最钟意嘅一款。Oreo 外皮黑黑的就已经好吸晴了，皮系脆中带点松软，之后系香甜嘅芝士奶香，喺黑色热狗棒中拉出黄色芝士丝好疗愈，非常满足👏
3. 薯条鸳鸯芝肠
终于体会到咩叫食物与图片一致啦✨ 外面包满金黄色嘅薯条粒粒，所以比起一般热狗棒粗身，薯香十足+酥酥脆脆，好惹味✔️ 肠仔都食得出好有肉感，所以对于胃口细嘅女仔，一条薯条鸳鸯芝肠棒可以当正餐，因为饱腹感都几强。
4. CHEETOS
面头洒满CHEETOS碎，入面包住芝士，食到最后用肠仔收尾，满足👀 虽然热狗棒大大条，不过木签插得好稳阵，唔会话食到一半就好惊会成嚿跌落嚟，值得一赞！
原来韩式热狗棒拉丝唔系一个gimmick，食过之后先发现真系会拉到好好好好长～感觉可以同朋友嚟一个拉丝比赛👫亦好适合拎去野餐，七彩缤纷嘅芝士热狗棒真系好啱一大班朋友打卡share💡
*店内仲有几款饮品及小食售卖，一于一次过买番屋企边煲韩剧边食😆
柑橘碳酸水
灵活嘅香橙置于杯顶，一下子吸引咗我嘅目光，拎喺手上绝对系万众瞩目🤭 味道清新爽口，饮一啖全部都系柑橘嘅酸香，系属于夏天嘅味道，补充维他命C一流✔️
年糕香肠串
系韩国近几年好流行嘅街头小食，一条年糕一条香肠嘅串串搭配十分吸晴，油炸过嘅香肠同年糕好夹，香肠有自己嘅焦香，肉质饱满；而年糕就系软软糯糯，软硬程度啱啱好，配上甜辣酱及沙律酱开胃又惹味✨
芝士条
芝士条外面松脆，内里丝滑，咸香浓郁～虽是热量炸弹，邪恶满分，但不减我对佢嘅喜爱😂
张贴
