琥酌 (已搬遷) 新店位置

我同朋友都想食吉列牛，于是黎到非常有名既琥酌聚旧。餐厅装潢贴近居酒屋，周围摆放左唔同品牌既酒，令人赏心悦目。叫左安格斯牛吉列($368)，鱼生丼($168)，火龙卷($98)。黎尼到一定要食安格斯牛吉列，厨师将外层炸到金黄色，而内层仍然系未熟透既，旁边既小炉就系俾客人自行将牛肉煮熟，餐厅建议每边煎20-30秒，视乎客人既喜好。尼个吉列牛口感一流，外面脆脆既，而肉质非常嫩滑，肉味鲜甜，仲有3款调味料，分别系芥末，海盐同埋蒜蓉，令肉味更为浓郁。鱼生丼有角切鱼生饭、沙律、高丽菜豚肉汤、甜品。鱼生基本上想食既鱼生都有，新鲜得黎每片都非常厚，捞埋软糯既饭食真系无得输。而沙律既材料都非常丰富，除左生菜，仲有三文鱼、蟹柳丝、蟹子，十分开胃。豚肉汤味道意想唔到咁清甜。仲有甜品士多啤梨慕丝，甜面不腻。火龙卷外层系三文鱼，入面卷住炸虾、青瓜、芝士，搭配得非常合适，食得出每种材料既味道，虽然又有炸物又有芝士，但系一d都唔腻。整体，环境舒服，食物大份，食物味道烹调唔错，鱼生新鲜清甜。