Bove (已結業)

近年四围都有哂各式各样嘅鸡蛋仔铺，款式五花八门，但系咪间间都好食我就有啲保留。今次试嘅系bove 位于元朗嘅分店，铺头位置喺俗称元朗食街嘅又新街隔离。所以周未时间去买都会见到门口有条短短嘅人龙。铺头有鸡蛋仔、夹饼、梳乎厘等等嘅甜品。每种小食又再有唔同嘅味道去拣，第一眼落都觉得几花多眼乱。咁今次就试咗一个平平地$18嘅班兰味鸡蛋仔。估唔到都几有惊喜，由于底鸡蛋仔喺整完之后，店员会揾风扇吹一阵，令到鸡蛋仔嘅表面非常脆，而入面系做到实心又松软。唔似有时喺街边食到嘅空心鸡蛋仔，似食鸡蛋饼多过鸡蛋仔。配合埋淡淡嘅班兰香，为正宗嘅外脆内软鸡蛋仔加上创新嘅味道。不过等候都要啲时间，通常要等10分钟左右，而且职员嘅态度都唔算好友善。