金田家 (已結業)

挨咗几星期canteen，又储够弹药慰劳味蕾～今次趁开会前嘅小空档去黄埔食碗拉面。拉面店价位都差唔多，所以每间都有自己特色，先可以突围而出。金田家分店唔多，舖头都几细，只有吧枱同二人枱，但空间用得唔错。譬如枱嘅柜位可以放袋，同日本舖头一样贴心。今次拣咗比较特别嘅柚子辛口拉面。九州拉面沿用豚骨汤、直身面，芽菜比较多。呢度面可以拣软至极硬，听闻系九州拉面店嘅一贯做法。我拣咗软，食落冇话特别稔，不过就几挂到汤。个人都系比较钟情曲面嘅蛋香，但呢啲系地方特色，要尊重返。汤底未捞辣酱已经有微酸。呢度猪骨汤偏啡，饮落有猪肉香，味道好浓。捞好辣酱汤底变成橙红，辣辣地，闻落好似担担面。柚子香味淡淡地，要慢慢食出嚟，柚子部分唔算发挥得超好。猪肩肉切成薄片，腌得入味。冇谂到薄薄一片都食得出油脂香，唔错。金田家小食种类唔多。我就叫咗拉面店比较少见嘅男爵薯饼，亦即系可乐饼。男爵薯比较软身，制成薯饼口感绵密。一客就有牛肉薯饼同紫薯甘栗两只口味，几啱独食嘅我。炸皮面包糠好薄好碎，炸起嚟松脆轻盈。紫薯比较甜，入面仲有大粒栗子，食得好满足。大推呢款小食呀！！！追加嘅溏心蛋亦冇令我失望。腌得相当入味，蛋黄香浓、软糯，蛋白