貝克男孩 (已結業)

在台湾大受欢迎的墨西哥包店Baker's Boy终于嚟香港啦！仲要喺咁近嘅坑口，当然要去试下啦~去到见到花生味冇哂，超失望！问𠮶店员仲有冇花生味，点知佢话有，仲系新鲜出炉嫁！于是我买咗一个迷你花生味($4)，一个迷你朱古力味($4)和一个迷你咖啡味($4)。啱啱出炉嘅花生味热辣辣，兼外脆内软，系我食过最好味嘅墨西哥包！！加上佢表面有好多花生粒，𠮶层曲奇脆皮仲有好浓郁嘅花生味，咁系因为啲曲奇皮浆系由马来西亚总店运嚟的！另外𠮶两个番到屋企已经摊冻咗，所以冇咁脆。朱古力味味道唔浓，冇咩特别，有啲失望。但系咖啡味就算冻咗都十分浓郁，甜甜的咖啡味，即使唔好咖啡嘅我都立刻爱上，果然系这店嘅招牌口味！