金記冰室 (創紀之城五期(apm)) (已結業)

今日见完客就同朋友一齐去呢间金记食饭，估唔到都几好食而且价钱都唔贵! 我地叫咗个是日晚餐蜜椒薯仔牛柳粒饭，薯仔炸得香脆而且蜜糖包围住，食落好惹味又唔会太咸，牛柳炒得好juicy同埋调味好岩，有牛味又有淡淡黑椒味，送饭真系一流!另外仲叫咗滑蛋叉烧饭，滑蛋加埋粟米，闻落已经好香，佢地用既叉烧亦都大大旧又唔会太干，食到真系几正而且够多汁送饭!我地仲叫咗个风沙豆腐，呢个真系好出色! 豆腐本身都好软滑同埋有豆味，外皮炸到金黄酥脆而且仲有蒜粒同辣椒粒调味，好惹味!最后就叫咗个雪糕金沙砖，其实即系西多士，炸得好香而个size又可以岩岩好一口一粒，加埋云呢嗱雪糕令到成个甜品都唔会太漏添!