原居民 (已結業)

成日揸车经过 都无咩留意呢间外表平凡既地舖。直至上个礼拜经过，见到店舖既圣诞装饰好似几有气氛咁，咁岩要约个旧同事出黎食饭 交换礼物，就拣呢度啦！又到圣诞 又到圣诞~~呢度比我既感觉有d怀旧，好似细个时候妈咪带我去屋企楼下d餐厅 食圣诞大餐既感觉；几自在 几亲切。menu都系怀旧feel超好味墨西哥脆片，配埋鲜番茄肉酱汁，夹到不得了。头盘系烟英国鳝凯撒沙律。烟英国鳝真系第一次听 第一次食。味道无咩特别，系比较弹牙，鱼味重。配上凯撒沙律汁同生菜都几夹 几好味。香煎法国鱼块配虎虾带子皇。鱼块外表煎到带少少脆，里面肉质香滑。带子皇似厚鲜味，唯一可以改善系有点过熟，所以无咁弹牙。虎虾亦鲜甜，无雪藏味，不错最后甜品点左苹果批配云呢拿雪糕。苹果批焗得岩岩好，皮够脆带微焦，好香一啖苹果批夹一啖雪糕黎食，冰火口感，非常特别。不过呢个甜品都真系几漏。。好彩我同朋友share一客，否则一定食唔哂！平凡既外表，往往有意想不到既内涵。就好似呢间怀旧既餐厅，虽然位于闹市旺地，不过价钱非常合理，而且食物质素属中上级。多谢原居民带番好多童年过圣诞既回忆比我，我都好想带daddy mommy 黎呢度食番个圣诞大餐