泰屋

营业中

休息中

天气依然寒冷， 即刻想饮番碗热辣辣嘅冬阴功！讲到泰国嘢九龙城一定系表表者！lets go! 话说呢一间泰国嘢嘅外表就冇话好光鲜，但系我就比一样野吸引左停低！但系炒野嘅香味！隔两个铺位都闻到！喺门口睇一睇餐牌！都合理价钱啦！就试吓啦！因为闻到一阵好香嘅马拉盏味！一于嚟过通菜！当然唔少得冬阴功，同行友人因为唔食太辣，我哋只系叫咗个小辣，仲叫咗个拼盘，呢个实在太精彩！总共有五个款！其中有一个好重嘅金不换味道！救命我个人真系好钟意呢啲香草味道！虽然真系好魔鬼好热气！但系我已经豁左出去！仲叫多咗个快车炒饭！真系要介绍一下，特别系加埋青柠之后，个味道对我来讲都比较新鲜！唔记得讲返冬阴功。。佢嚟到嘅时候会点火，隔左10分钟左右佢自己会熄火，所以保持到好香嘅味道，里面嘅配料有虾。仲有四大只！仲有好多好多好多嘅菇，我自己真系好钟意！而且佢嘅味道系调校到好啱香港人食，酸酸辣辣醒神开胃！仲要介绍下佢哋呢杯野椰肉沙冰，一嚟到我都吓咗一下！大杯到呢！最啱食啲浓味野嘅时候。refresh 下!已经约咗朋友下次再去试埋其他嘢啦！你都快啲嚟试啦！