大家樂

营业中

休息中

见到张Poster确系好吸引【香草盐烤鸡。超值二人套餐】，一只鸡，一客标准SIZE肉酱意粉，两支牛油栗米，两杯汽水。等左成10分钟先有，系呢10分钟里面，我对呢只鸡充满住无限既幻想，不过，始终系连锁快餐店，亦唔会期望过高，但作为一位升斗小民，都有最升斗既要求，就系食物要应热得热，应冻得冻，上枱时要企企理理，就算系冰鲜既野，只要处理得好，都可以好好味。讲返呢只鸡，系冰鲜既就肯定，个外表睇落去好掂，啲皮仲好脆，但个肉就唔多掂，有好大既雪味，仲有一丝丝既鸡腥味，同埋非常之鞋口及脢，切开入面有一大堆灰黑色野，我相信系调味料，但个买相好肉酸，似内脏，呢一餐可以话系硬食落下，个肉酱意粉同牛油栗米味道标准，成个套餐$88算系好抵食，但以呢个质素，请我都唔食。