半糖主義 (已易手) 新餐厅

半糖主义喺坚尼地城， 由地铁站行过去其实三、四分钟就过到去， 离巴士总站就更加近添， 一分钟就到。 半糖主义餐厅唔算太大，但系亦都有一列嘅卡座，同埋几张细嘅枱仔， 而且仲有书、同埋棋可以畀客人等嘢食𠮶阵打发时间。今日叫咗几款甜品士多啤梨拿破仑65一层叠一层嘅拿破仑酥皮中间渗出淡淡牛油嘅香， 而中间嘅吉士酱味道适中，士多啤梨系新鲜嘅， 唯一美中不足的系士多啤梨唔算十分甜。原味梳乎厘班戟 65非常欣赏店家的诚意 ，梳乎厘即叫即制， 由落order到送上枱都大概要20至25分钟， 梳乎厘质轻而蓬松，外表轻盈，腾腾震，食落口感软绵绵。 其实喺度食好过出去尖沙咀食，又唔使排队又坐得舒服。桃胶莲子炖奶 45桃胶莲子炖奶以原盅上台， 即叫即炖， meiji牛奶 细滑甜美，散发出阵阵浓香的奶味， 桃胶份量非常多 ，新鲜莲子甜中带点苦， 喺呢个寒冷嘅冬天食完更觉 滋补。桑寄生莲子蛋茶 28祛湿、降血压， 甜而不腻，是款健脾益肾的甜品。