The Waffle Club (已結業)

夜晚系尖沙咀K11附近同屋企人食完饭，谂住周围行下消化下。点知行行行行经过金马伦道，见到一间新开嘅鸡蛋仔。鸡蛋仔就食得多，但心型嘅鸡蛋仔真系第一次见。见到个样咁特别，真系俾佢吸引左埋去。一睇个餐牌，啲味道都几特别㖞！有奶皇呀、麻薯、朱古力流心味等等。谂左一转要咩味，我地全屋人决定试下佢个花生酱味。价钱黎讲都算少少贵，要$35，不过味道同外形都比较少见，所以我地都决定一试。等左3-4分钟度，终于有啦，个外型真系几靓㖞! 大家都即刻影左几张相呃like😆味道黎讲，花生酱味都算重，但花酱分布得唔算太均匀，唔系话粒粒都有花生酱馅系入面。另外，唔知系唔系因为鸡蛋仔吹得未系咁耐，所以底部𠮶啲鸡蛋仔个外皮淋左少少，唔系好够脆。不过整体黎讲，成个鸡蛋仔唔系太甜，所以都不过不失。如果大家少女心重，又钟意post下相，呢款心型鸡蛋仔确实系一个唔错嘅选择。