御品·千之味 (振萬廣場)

营业中

休息中

夜晚收工懒得煮，就去千之味买外卖。外卖自取可以直接扫QR code落单，方便快捷。款式又多，价钱亦唔贵。叫咗个自选set，有厚切鳗鱼饭、刺身同寿司，另外加咗$8要多份螺肉同沙律。鳗鱼虽然得两块但好大旧同厚身，啖啖肉好好食。刺身有四款共六件，味道好鲜甜。而火炙寿司有五款，件件都好正！最钟意烧完𠮶浸鱼香味！烧鲭鱼饭定食跟餐有螺肉同沙律。鲭鱼外皮烧得香脆，又唔会太㶶，配埋酱汁同柠檬汁好啱送饭。寿司冷面餐跟五款寿司，冷面就冇咩特别，有蟹柳丝同青瓜丝，不过有大量蟹子，有口感。间唔中食呢间外卖都几开心，好满足。