家傳滬曉

营业中

休息中

环境3分：外卖自取，只系响收银处比钱同攞嘢食，睇落舖位都几大，楼面好高，但唔识比分，所以中间位三分。卫生5分：外卖包装嚟讲呢真系好干净，每个𩠌都有个透明胶盒分开装，Ｄ汁用胶纸黐实好稳固，可以畀佢五分。服务5分： 接线生好专业，落单时会提午餐有优惠，订单几时预备好，总数几多，问多两句又唔会话你烦，态度非常之好。准时去度餐厅，Ｄ食物已经齐，即时比钱，服务员仲叫小心重，细心到呢，满硬分。味道3分：1)      小笼包一客五粒，外卖嚟讲呢都唔错，个皮唔厚，Ｄ肉够嫩，但系响冇穿冇溜嘅情况下就差左Ｄ汤汁，要扣一分。2)      锅贴都系一客五只，个馅Ｄ肉一样好嫩，Ｄ汁又够香甜，但系层皮超厚又煎得唔够香，要扣佢两分。3)      个扬州炒饭炒得够干身，完全唔油，又够料，食得过。4)      个嫩鸡煨面系汤同面分开装，所以Ｄ面冇索到淋，个鸡汤好浓味又够甜，要加返佢一分。抵食3分：午餐饭面平极都要五十蚊起，炒饭仲差不多成旧水，点心都系四十几蚊起，一啲都唔平，不过上海菜都预左咁上吓，正常价畀三分。