尚海人家 (英皇道) (已結業)

一向好少外卖自取嘅我，今次试到间几好食嘅上海菜外卖舖头去开北角经过条街，谂起夜晚冇饭食就买咗啲嚟做晚餐。「尚海人家」呢个名好易记。佢蒸紧啲生煎包，本身冇打算食但见到就流晒口水！好彩佢系有餐嘅，可以配搭两个～真系好香，隔住一段距离都闻到唔怪之得话系皇牌必试。系好食嘅！见佢个价钱都算经济实惠，买咗两个餐再加个春卷小食。已经有好多嘢食啦！样样都好好食，唔系好油腻，而且新鲜整起，全部趁热食，味道同去一间上海餐厅坐低食嘅水准差不多呢！外层嘅春卷皮唔会太厚粉，皮薄馅靓一大碗拎返嚟咁多，好完整。酒味同烟烟韧韧嘅充满桂花香味汤圆夹得好好酸辣汤都唔会太酸或者太辣，有啲似碗仔翅，都好足料个牛肉菜饭都有好多件牛肉，而且唔只得牛肉，连啲汁都好鲜甜就算唔系配菜饭就咁食一样好鲜！虽然店舖唔大，但外卖嘅上海菜嚟讲，质素好唔错！