波仔

营业中

休息中

我諗唔小香港人平時都係食無定時，又成日都ot ， 而我都係一樣 ， 好明顯食無定時，所以每次座西鐵經過朗屏站我都會去波記入返小小貨，因為有時係屋企餓起上來都可以叮來食。今次我買左以下4款食物：飯類 ：魚香茄子飯 ～ 茄子份量都多，味道夠香辣。蔬菜 ：通菜 ～ 其實我好少買菜來叮， 但店員好落力同我講佢地今早叮左呢個通菜加左個特別醬好好食叫我都試下，耳仔軟的我就試下， 回到家叮來食，又真係好惹味喎，同烚菜一樣。湯類 ： 姬松茸瑤柱燉雞湯 ～ 估唔到個湯超足了，有兩大件姬松茸，1粒仔瑤柱， 幾件雞和小小瘦肉，燉出來的湯超濃好入味。糖水 ： 椰汁紫米露 ～ 唔洗多講， 每次必買糖水之一，因為唔太甜材料又足。係波仔真係好多款式選擇包買到岩自己口味的食物。