燧記廚房 (荔安大廈) (已結業)

天气又冻又唔想煮饭，又冇得出去堂食咁唯有食外卖啦。咁啱今日经过见到屋企楼下原来有间食小炒小菜嘅餐厅，所以就决定试吓啦。本身我系好钟意食牛肉嘅，天气咁冻又想食啲辣野就叫咗个小炒黄牛肉，仔仔整完牙又唔食得其他嘢就叫过肉燥蒸蛋俾佢。呢间餐厅嘅设计都好简单又干净企理仲有部自助点餐机方便快捷唔驶等好耐，等外卖期间啲员工都好有礼貌仲有同我倾几句，出边咁冻真系要快快手手返屋企啦。外卖来讲设计其实都算系几好，碗饭又够多，仲要有埋紫菜蛋花汤！一打开个盒，小炒黄牛肉啲味已经攻晒出嚟，好香啲肉又好淋牛味又好浓郁，本身好怕食啲好硬身嘅肉嘅仔仔都话好好味重点系好救镬气！仔仔最钟意食真系个蒸蛋啲蛋滑到即食入口已经溶咗啦，加埋啲肉操又够浓捞饭一流呀所以好快已经清晒。整体来讲我觉得以呢个价钱，真系好抵食同埋最紧要系出餐快，唔驶等咁耐！返到屋企即刻食得！我谂嚟紧可以再试佢个餐牌唔同嘅𩠌菜，或者等堂食开返直接去𠮶度食应该会仲更加好味。