小火焰韓式咖啡廳 (樂富廣場)

营业中

休息中

用外送app叫外卖，一共叫左两个餐。一个下面呢个$88《大酱牛肉粉丝锅》跟个白饭，加$3冻饮。个盒就咁用返长方形胶盒，份量偏小，个汤底系平时食即食面既味精粉，超级失望边值$88？？？？味道都ok,唔会煮到过晒龙，瓜菜都新鲜，但就咁用味精汤真系接受唔到，同埋食完唔饱。另外叫左个下午茶餐，《泡菜黑豚饭》$63，加$3配冻饮。呢个猪好似叉烧，几好味，又唔会太硬，岩岩好，好味过个大酱汤好多倍，泡菜就唔辣又唔酸偏淡味。两个餐都配柚子蜜，系冻饮，但系如果另外先用热水沟开个柚子蜜调配下，先再落外卖杯会好好多，而家就咁冻水完全沈底唔溶，杯饮品仲要唔满，好求其。外卖app有优惠先帮衬，除返开每个餐四十几蚊，叫做ok，如果正价就完全唔推荐，我唔会考虑佢，可能堂食会好啲。