百味川 (已結業)

依家真系好少出街，今个星期六终于出左葵芳一转买啲野，跟住就谂住去睇下葵广有咩食买，但望望钟原来仲系五点，仲赶得切堂食，跟住喺一楼见到百味川啲野食都几吸引 就快快手冲入去坐低食碗面先！不过我入到去就发现！其实我应该买外卖！！因为佢地依家六点后 外卖自取八折！好抵！！好讲返我食左咩～我叫左个麻辣牛魔王淮山面，炸墨鱼丸同手拍青瓜麻辣牛魔王淮山面：牛魔王包含左爽口嘅牛肚，入味嘅牛腩，软稔嘅牛筋，而面底都有数款可供选择～～呢次拣左外面比较少见嘅淮山面，原来淮山面系用淮山磨粉再加上小麦粉整成嘅，口感比米线硬身，面身较幼，而汤头亦有数款可选，呢次拣左惹味嘅麻辣，仲有不同辣度可供选择，呢次拣左最少嘅微辣，食落麻味唔重，辣味真系做到微微辣，下次有机会可以进级挑战更高级嘅辣度。炸墨鱼丸好弹牙，同埋即叫即炸好新鲜；至于个手拍青瓜好爽脆，而且好多辣油，钟意辣既一定劲钟意 ！最后再加左杯恐龙华田，其实就系冻华田再喺上面晒上胚芽同埋可可粉，令到华田嘅味道更丰富，好有口感～～～