池記 (已結業)

宜家度度都外卖八折，唔知朗豪坊呢d大商场入面既餐厅有冇呢个优惠。行到去food court果层，见到池记有外卖八折。池记既面，之前喺又一城food court食过，但果个价钱果个质素再加埋十分钟都出唔到碗面既速度，真系以后唔会再食。不过今次见佢有八折，折完个汤饭先五十蚊，仲话有五六个送，一于试一试。今次既速度就好好多，等左一等就拎得，丫姨既服务态度都几好。汤饭分开装，拎出手好似有d轻，但份量其实都够。一打开就见到d送铺满成个面，但都未见哂全部送，因为仲有两只饺子摄左喺底。有云吞，虾仁，佢地拿手既炆冬菇，仲有两大旧鲮鱼球。汤饭既汤清清地，有少少胡椒既辣味。送既份量令我惊喜，味道都唔错，呢个价钱我就觉得好抵食。