閨•家 (西九龍中心) (已結業)

疫情期间，晚市无得堂食，出街买啲快餐外卖， 有时食完又口渴又油腻 ，唔想喺屋企煮但系又想食到家的味道， 喺西九龙中心见到闺家开分店就啱晒。门口很显眼写著无味精茶餐厅，而菜单都系一啲简单香港菜色， 决定买三盒外卖返屋企同屋企人食。点了炆猪手饭（$49）、柱侯牛筋腩饭（$53）和咖哩猪扒饭 （$51）。真心三款都好好食，食得出真系冇味精，吃得出食材本身的原汁原味。首先牛筋腩份量几多，不单只有五六件软腍的牛筋腩， 还有萝卜件，够晒甜。另外炆猪手好香，啲猪手唔系得啲骨，而系真系有肉食，南乳汁又多又香又有花生，送饭好正。咖哩猪扒饭点了小辣， 所以唔会话好辣，咖哩味够香又有椰香，猪扒亦都松化，不过件数有三件，当中有啲骨， 对比起牛筋腩饭，唔算多肉食。最正嘅系每个饭都跟冇味精老火汤， 当日应该系虫草花百合猪展汤，不过味道比较似青红萝卜猪展汤多啲，因为汤很有萝卜的甜味，饮晒一啲都唔觉得口渴，几好。