Masala Train (已結業)

今日工作超忙，根本无机会好好坐底岀去食饭。谂住落楼下求其买个外卖返去，平时食开叉鸡饭盒嘅我忽然经过间唔起眼嘅印度外卖餐厅㖞。叫唔系好贵，就大胆试下啦就！点都要食返啲饭先会够饱嘅。咖喱鸡 Curry chicken ($58) 好彩唔系好辣，因为本人都唔系好食得辣。印度咖喱质地都几稀，同日式咖喱完全唔同。捞饭又几惹味嘅。印度米偏长身同硬，咬落去好有口感。芒果奶昔 Mango lassi ($25) 都几正。以前食印度嘢都嗌过，但系超甜唔系咁啱胃口。呢度即叫即做，同埋无咁甜，好饮好多。再嗌咗个 Masala chai ($12) 下午茶时饮。味道其实有啲似港色奶茶，但系有好重嘅肉桂味，好香同唔算太甜。