牛奶冰室 (柯士甸道)

营业中

休息中

又系赶住去做嘢嘅关系，所以同朋友经过啲地方叫外卖就算数，简单经过见到牛奶冰室就直接响𠮶度叫外卖，等嘅时间都唔算太耐，可以接受嘅。第一个饭个名实在太长，其实个人觉得个名改得有啲实在太夸张，去到尾都系叉烧煎蛋饭。全名叫做蒜香蜜汁叉烧煎半焗流心双蛋饭，成个饭其实都几好食，蛋亦都真系做到留心嘅，虽然其实都系太阳蛋咁上下，叉烧亦都唔错，蜜汁味都几浓，我谂唯一唔满意就系佢个名实在太无谓地咁长。上海嫩鸡米线，朋友话食落都唔错嘅，只不过唔会有啲乜嘢惊喜，我净系想话个名简简单单咪几好啰。仲有一个就系惹味中式牛柳，配埋白饭，呢个中式牛柳都系用蜜桃唔用菠萝，所以味道会偏甜多个酸味，不过配落牛柳到其实都可以接受，份量亦都唔错，个名亦都唔会太浮夸。