影片
更多
2021-05-01
750 浏览
今日去咗置富探个朋友，由于大家已经很久没见，所以倾咗好耐，真系快活不知时日过。见时间已不早，唔想再打扰朋友，所以决定先去商场入面个 food court「美食嘉年华」行下，然后再买些外卖回家做晚餐。喺场内行了一圈，揾到间食台湾便丼嘅小店，食物选择好丰富，除了丼饭和客饭外，仲有士林夜市小食、二人热辣惹味小菜、秘制卤水同士林饮品等供应。我哋点咗个二人台客荔芋炆烧鸡煲 ($120)、士林盐酥鸡 ($38) 同 两份台湾香肠 ($28)。二人煲包白饭两碗同汽水两罐，如果饮品想转士林樽仔系列亦只须每樽另 +$8。 真系无谂过个鸡煲会包埋炉架及火油液，只须用火机即可点燃，既方便又快捷。个鸡煲真系好足料，啲鸡件不但份量十足，而且大大件，肉质又嫩又滑，啖啖肉，很是滋味！荔芋切成丁方状，入口粉糯软绵，加上索尽了其他食材的味道，吃起来香口惹味。樽仔奶茶、樽仔鸳鸯：奶茶冲好后入樽雪冻，由于没有给冰冲淡，所以仍然保持到茶身嘅浓滑同奶脂。鸳鸯水准亦唔错， 咖啡味不霸道，味道融和，饮到咖啡嘅回甘同奶茶的茶香。另外两款小食盐酥鸡同台湾香肠，亦很值得推介，盐酥鸡皮薄脆口，肉质非常嫩滑，入口味道很浓郁，绝对比得上台湾夜
见时间已不早，唔想再打扰朋友，所以决定先去商场入面个 food court「美食嘉年华」行下，然后再买些外卖回家做晚餐。
喺场内行了一圈，揾到间食台湾便丼嘅小店，食物选择好丰富，除了丼饭和客饭外，仲有士林夜市小食、二人热辣惹味小菜、秘制卤水同士林饮品等供应。
我哋点咗个二人台客荔芋炆烧鸡煲 ($120)、士林盐酥鸡 ($38) 同 两份台湾香肠 ($28)。
二人煲包白饭两碗同汽水两罐，如果饮品想转士林樽仔系列亦只须每樽另 +$8。
真系无谂过个鸡煲会包埋炉架及火油液，只须用火机即可点燃，既方便又快捷。
个鸡煲真系好足料，啲鸡件不但份量十足，而且大大件，肉质又嫩又滑，啖啖肉，很是滋味！荔芋切成丁方状，入口粉糯软绵，加上索尽了其他食材的味道，吃起来香口惹味。
樽仔奶茶、樽仔鸳鸯：奶茶冲好后入樽雪冻，由于没有给冰冲淡，所以仍然保持到茶身嘅浓滑同奶脂。鸳鸯水准亦唔错， 咖啡味不霸道，味道融和，饮到咖啡嘅回甘同奶茶的茶香。
另外两款小食盐酥鸡同台湾香肠，亦很值得推介，盐酥鸡皮薄脆口，肉质非常嫩滑，入口味道很浓郁，绝对比得上台湾夜市嘅质素。
台湾香肠有两款口味，包括香蒜味同黑椒味，两款都好正，唔单止肠衣 Q 弹爽脆，而且肉质瘦肥均匀，前者带蒜香，而后者就食到黑椒嘅微辛，用嚟送饭真系一流，令人食指大动。
张贴
