百芳池上便當 (Mikiki)

营业中

休息中

今晚放工搭车去咗新蒲岗嘅Mikiki ,因为系屋企附近，所以就买个外卖返屋企慢慢食。发掘左一个新地方，就系Mikiki地牢𠮶一层嘅一间台湾野。呢一间百芳池系卖台式便当嘅，我就叫咗一个香酥炸鸡腿便当，再加一杯珍珠奶茶。等左一阵就有，都算几快。香酥炸鸡腿好有台湾风味，即使系外卖拎到返屋企，都仲系好香脆。成个便当套餐除咗鸡腿之外，仲有饭菜，粟米，半只卤水蛋，仲有我最钟意嘅粉丝，好开心。我都好钟意佢哋嘅珍珠奶茶，超大杯，啲珍珠好chewy. 虽然啲饭唔算好多，但都食到好饱，好满足。