必勝客

营业中

休息中

今日上咗朋友屋企，七个人叫咗个四人餐，份量都好够，个餐包咗一个千岛海鲜芝趣大批、葡汁鸡皇焗饭、海鲜长通粉、千层肉酱阔面、鸡翼8只、忌廉汤4碗、另外加$28叫咗蒜蓉包。千岛海鲜酱批：一如既往，料唔够，边好粗厚，不过好彩酱够多搭够，千岛酱好香好惹味，芝心边嘅芝士都几够份量。葡汁鸡皇焗饭：汁好香浓，捞饭食一流，但鸡肉比较少。海鲜长通粉：白汁好香浓，焗得啱啱好，芝士焗得好香口，长通粉软硬亦适中，但海鲜份量好少。千层肉酱阔面：。肉酱好惹味，同薯蓉好夹，薯蓉整得好滑，但阔面可能煮得耐咗所以有啲淋。烧烤味鸡翼：烧烤酱好香浓，肉质好嫩滑。蒜蓉饱：㶶咗少少🤏🏽，蒜蓉味亦唔够，较失望。