吉豚屋吉列豬扒專門店 (已結業)

原本见几多人写好评，就谂住试下。买左外卖，滑蛋猪排饭便当（梅）餐，有跟野菜豚肉汤同一杯特饮，我拣左椰果荔枝茶。成个外卖$59滑蛋猪排饭：咸，好咸，真系好咸！猪排好软身，一切就开，但完全冇吉列猪排应有嘅脆。最重点系佢个饭咸到你唔会觉得个猪排好食。唔想浪费食物，只能够格硬食野菜豚肉汤：都系咸，但冇个饭咁咸，所以有比较之下算系好饮。不过佢餐附送嘅匙羹系匙羹+叉嘅设计，所以完全用唔到来饮汤。椰果荔枝茶：太甜。我平时买奶茶饮都唔会半甜，所以本身都系饮开比较甜嘅嘢饮。但呢杯甜得有D过份。总结来讲我觉得外卖有D中伏。或者堂食会好D，但今日呢餐吸引唔到我再去试。